لا جيت صوب الورد ودك تلمه
ما تدري ان الورد وده يلمك
لا صار بين إيديك وردٍ تضمه
انتَ تشم الورد وإلا يشمك
جوي بقربك ينتعش بك وأشمه
نرجس وفل وياسمينٍ يعمك
يا بعد كل الورد خاله وعمه
يا بعد من هو في عيونه يضمك
كن العسل فمك يغذيه فمه
وإلا العسل معصورٍ بريق فمك
وإلا العيون اللي لها رماح جمه
من شافهن نوخ به الشوف يمك
والشعر الاسود شايل الليل همه
زاده سواد وشكوته لا تهمك
اللي يشوفك باقي الحسن ذمه
إلا القمر من غيرته منك ذمك
قربك فرح والحزن بيحت دمه
محلا سواليفك ويا خف دمك
في ذمتك ..في ذمتك ....قلت ذمه
إنتَ تلم الورد وإلا يلمك
*****************
الرئيسية 
أحدث الصور 
موضوع: خاطــره جميلة جدا 
السبت نوفمبر 05, 2011 10:17 am
