تعال وشوفني

تعال وشوفني وأنطيني بس راي
روحي اتألمت منك شكتني



كلبي يدك بس دكتة مو هاي
كل دكة بأسمك ينادي من عفتني


ومن امشي انة مو هاذ ممشاي
اتخيلك وياي وانتة ابد متخيلتني


وكفت يم المرايا وصحت بــويــاي
آنـي أكبـال عــيني ومـا شفــتـني


اجذب أعلة روحي من يمتة وجاي
اكلـهة مبتـعد ويمــك لكــتـني


وبيك أحلمت جنك واكف وياي
وبلهفة وعشك حيل ألزمتني


وكلت أصحة انتة بحلم وكتلك ماريد اصحة خليك وياي
وكلت أليمتة تظل بحلم من بالك ما شلتني


ومشيت عنك بس عيني تنزف ماي
وصحتني وألتفت مكسور خاطر من صحتني


وكلت اني مو ألك مو بيدي هاي دنياي
ويمك طحت خانت أجدامي ما ساعدتني


وصحيت من الحلم ترتجف كل أعضاي
وتمنيت ما اصحة بعد من أهجرتني

انتظر ردكم