أفكر فيك وأتأمل أش الدنيا قبلما ألقاك
وأنا من يوم حبيتك وهي صارت حياتي غير
هويت الناس والدنيا كثر ما خاطري يهواك
وصار الحب له ميزه تفوق الوصف والتعبير
حياتي دنيتي أهلي وكله عالمي يفداك
أنا كلي غلا جيتك ومن فوق الغلا تقدير
أحس الليل به نبضك وريحه عطرك وذكراك
وأحس أنفاسك الحلوة يداعبها الهوا وتطير
ألا يا ليتني أفتح بقلب الليل لك شباك
وأجيلك شايل قلبي على خيط الظلام أسير
قدير الله يجمعني على أرض الفرح وياك
ويشرق صبحنا الدافي وجنحان الظلام تطير
حبيبي يا بعد عمري حياتي كلها تفداك
كفاية لا تذكرتك أحس إن الحياة بخير
مما راق لي
الرئيسية 
أحدث الصور 
موضوع: حبيبي يا بعد عمري حياتي كلها تفداك 
الجمعة أكتوبر 28, 2011 6:01 am
